ماہنامہ عبقری - فروری 2010ء

مراقبے سے علاج Meditation یعنی مراقبہ جہاں ازل سے روحانیت کی ترقی اور مشکلات کے حل کا علاج رہا ہے وہاں جدید سائنس نے اسے امراض کا یقینی علاج بھی قرار دیا ہے۔ ہزاروں تجربات کے بعد عبقری کے قارئین کےلئے مراقبے سے علاج پیش خدمت ہے۔ سوتے وقت اگربا وضو اور پاک سوئیں تو سب سے بہتر ورنہ کسی بھی حالت میں صرف 10 منٹ بستر پر بیٹھ کر بلاتعداد اَلمَلِکُ القُدُّوسُ السَّلَامُ کا ورد اول و آخر 3 بار درود شریف پڑھیں پھر لیٹ جائیں۔ جس مرض کا خاتمہ یا الجھن کا حل چاہتے ہوں اس کو ذہن میں رکھ کر یہ تصور کریں کہ ” آسمان سے سنہرے رنگ کی روشنی میرے سر سے سارے جسم میں داخل ہو کر اس مرض کو ختم یا الجھن کو حل کر رہی ہے اور اس وظیفے کی برکت سے میں سو فیصداس پریشانی سے نکل گیا/گئی ہوں“ یہاں تک کہ اس تصور کو دہراتے دہراتے نیند آ جائے۔ شروع میں تصور بناتے ہوئے آپ کو مشکل ہو گی لیکن بعد میں آپ پر جب اس کے کمالات کھلیں گے تو حیرت کا انوکھا جہان اور مشکلات کا سو فیصد حل خود آپ کو حیرت زدہ کر دے گا۔ مراقبے کے بعد اپنی کیفیات فوائد اور انوکھے تجربات ہمیں لکھنا نہ بھولیں۔ (ایڈیٹر حکیم محمد طارق محمود مجذوبی چغتائی) مراقبے سے فیض پانے والے ایڈیٹر صاحب: السلام علیکم! بعد از سلام دعا ہے رَب لاَیَزل کے حضور کہ وہ ایڈیٹر اور ماہنامہ عبقری کے معاونین حضرات کو خوش و خرم رکھے اور اپنی عنایتوں کی بارش فرمائے۔ مراقبہ کے اس نئے سلسلے سے بندہ کو بڑا روحانی اور جسمانی فائدہ ہوا۔ کسی کام کو دل نہ چاہتا تھا ہمیشہ پریشانیوں میں گھرارہتا تھا۔ گھر والوں سے لڑائی جھگڑے تھے۔ مراقبہ کے نورانی عمل کا آغاز کیا الحمد للہ تمام پریشانیوں اور الجھنیں ایسی ختم ہوئیں جیسے کبھی تھیںہی نہیں، میں آپ کا کیسے احسان اور شکریہ ادا کروں اللہ آپ سب کو جزائے خیر عنایت فرمائے۔ (محمد اُسامہ، خانیوال) پچھلا صفحہ